Ang trabaho nila buong buhay ay ang maging masunuring anak at maging mabait na asawa at ina sa mga magiging anak nila. Ito ang tipikal na “Maria Clara” ng mahinhing dalagang personalidad. Ang ideyal na babae ay sinasabing masambahin, mapagkumbaba, at masunurin.

​

Ang resulta nito sa lipunan ay ang patriyarkal na lipunan na naisaisip ng mga Kastila sa una pa lamang. Bawal sila sa mga ilang mahahalagang usapin tulad ng pulitika. Noon, ang pangunahing mga sangkap na nagkokontrol sa kababaihan ng Pilipinas ay ang mga Kastila mismo at ang Simbahang Katoliko. Dahil dito, isinulat ni Rizal ang “Message to the Young Women of Malolos” o “Liham sa Kadalagahan ng Malolos.” Binubuksan ng liham na ito ang mga mata ng mga kababaihan na maging kritikal sa mga obserbasyong nangyayari sa paligid nila at huwag hayaang maikulong ang kanilang isipan sa ipinapataw ng mga Kastila. Ang nasabing liham ay isa sa mga posibleng dahilan na nag-udyok sa pakikilahok ng mga kababaihan sa Katipunan na nangyari matapos ang pagkabaril sa kanya sa Bagumbayan ilang taon ang makalipas.